Arvedávgi – sámegiel lávdedáiddaforum                                                                 c/o interimstivra, P.b. 67,  9735 Kárášjohka
Juovlamánu 18.b. 2008

Gulahala sudnuin: Inger Anne Kristoffersen, Deatnu, tel.  (+47)  46 400370 / Gudrun E E Lindi, Kárášjohka tel. (+47) 959 35 626. 

·      Fálaldat sámegiel astoáiggástalliide (amatevrraide) geain lea miella duostilabbot šaddat lávddis !
·       Nuvttá kursa vahkkoloahpa 20.-21.12. Kárášjogas

Arvedávgi lea forum mii ovddida sámegiel lávdedáidaga, vuosttažettiin mánáid ja nuoraid guovdo. Dán vahkkoloahpa forum lágida kurssa dutnje gii háliidat šaddat duostil(abbon) lávddis. Kursa lea buohkaide geat leat badjel 12 jagi, ja lea rabas rávisolbmuidege.

Kursa lea sihke sutnje gii liiko juoigat, lávlut, máinnastit dahje muitalit, gii liiko teáhteriin bargat dahje lohkat jitnosit earáid gullut. Ain sáhtát almmuhit iežat kursii!  

-Oasseváldit sáhttet hárjehallat vaikke juovlaeva?geliija lohkat – don ieš válljet! Diet han leage gusto hui buorre fidnojurdda skuvlaluohkáide dahje nuoraide geat dárbbašit ruda diinet! dadjet movttegis Arvedávggi interimstivralahtut: Mary Risvik Stueng ja Gudrun E E Lindi Kárášjogas ja Inger Anne Kristoffersen Deanus, ja jotket: -Sii sáhttet hárjehallat sihke lavlut ja juoigat, dahje lohkat juoga jitnosit, ja de fállat ”konseartta” bargosajiid ja ásahusaid borranbottus. Diekkár ”cájálmasa” lea vejolaš hárjehallagoahtit kurssas.

Ii gáibit ovdagihtii máhttu – dušše miela ja beroštumi !

–Dáhttut berošteaddjiid geat háliidit eanet oahppa lávdedáidagis boahtit Sámi álbmotallaskuvlii Kárášjogas lávvardat iddeda 20.12. dii 09.30. Kursa lea guovttebeaivásaš ja dasa gullá nuvttá beaiveborran. Das leat golbma sámegiel bagadeaddji. It dárbbaš máhttit nu ollu ovdalgihtii, áidna ahte diedát gude suorggis hárjehallagoadát. Ja ahte leat badjel 12 jagi ja  leat mielas oahppat eanet das mo olbmuid ovddas ovdanbuktit muhtin bihttá.   

Giktaleamen festiválii !

Arvedávgi lea bovdejuvvon boahtte gida Sámi Mánáidteáhterfestiválii Boazovári gávpogis Guoládagas, gosa jahkásaccat bovdejit ruošša beale sámi gilážiid mánáid ja nuoraid vuolil 18 jagi coahkkái cájehit sámegiel dráma, dánsuma, lávluma ja luodi lávddis.

Lágideaddjit hástalit kursaoasseválddiid Kárášjogas ráhkadit jovkkoža mii muhtun cájálmasain vuolggašii festiválii ? Arvedávgi sáhtášii praktihkalaccat lágidit mátkki.

Arvedávgi lea ovdal dan dahkan: 2006 gida vulge Porsánggu, Deanu ja Kárášjoga mánát Boazovárrái Árvedávggi olis (geahca gova).

Govva: Arvedávgi oassálasttii 2006 gida Sámi mánáidteáhterfestiválas Boazováris Ruoššas,  Porsánggu, Deanu ja Kárášjoga mánáiguin. Dá govas festivála loahpaheamis, dalle buot lávdedáiddariid gohcco lávddi ala boahtit oažžut bálkkašumi ja festiválamuittu.

Mánggabealát kursasisdoallu

-Kursa sisttisdoallá vehá maidge, nu go jietnageavaheami, lohkanteknihka, mo lihkadit ja láhtadit lávddis, mo birget baluin, ja mii lea buorre ráhkkaneamoš ja cájálmas. Oahppat maiddái oppalaccat mo láhcit vai šaddá buorre vásáhussan sihke sutnje gii lea lávddis ja gehcciide.

Kurssa ulbmil lea movttiidahttit oasseválddiid šaddat ceahpit lávddis – ja geavahit sámegiela lávddis. Ja de galgat mii suohtastallat, muitalit lágideaddjit, Arvedávggi stivra.  

Bagadeaddjit leat buohkat Kárášjogas eret ja leat profešunealla ja bivnnuhis kulturbargit ja artisttat:
-Áillu Ánne Sofe Biret Alehttá (Biret Alehttá Mienna) lea dovddus juoigi, lávlu ja koara-solista
-Ingos Máhte Ingá (Inga Ravna Eira) lea girjecálli ja poehta ja lea mánggaid juoiganpoesiijacájálmasaid lágidan ja cájehan     -Julius-Inngá Riittá Elin (Elin Kåven) lea fas lávlu, musihkkár ja dánsejeaddji, guhte giddadálvvi vuittii Sámi Grand Prix lávlunoasi.

Ingos Máhte Ingá (Inga Ravna Eira) lea dahkan moadde juoiganpoesiijacájálmasa, dá govas mannan beassážiid Goadis Kárášjogas mannil iežas “Smihtaskasat”-cájálmasa. Son oahpaha ee. lohkat teavsttaid jitnosit ja leahket doaluid láidesteaddjin.